Vistarnetið er ekki lengur til. Tímabundið, ekki er vitað hvenær það kemur aftur. Það kom kæra frá útlöndum á vistarnetið af því ólögleg dreifing hefur átt sér stað, fokking hálfvitar sem voru að dreifa myndum og klámi og eitthvað. Fíbbl. Þannig að núna er bara búið að loka fyrir sendinn. Þetta þýðir að maður kemst ekkert á netið, hvorki kvölds né morgna og ekkert msn. Það er náttúrulega ekkert sniðugt fyrir fólk nú á dögum. Núh, jú maður kemst á netið ef maður býr á ákveðnum stöðum á vistinni sem ná MA-netinu og nú er maður svo heppinn að eiga hana Dagný því hún býr einmitt á þannig stað. Gaman að því.

Útaf öllu þessu nota ég bara sögutímann til að blogga og skoða netið. Var annars að koma úr fjórfaldri eyðu, gaman að því. Láki ekki í skólanum og Siggi Bjarklind aflýsti tímanum. Svo kemur saga og það er nú eiginlega eins og eyða eins og Örn segir. Örn fíbbl Ómarsson eins og ég kýs að kalla hann núna eftir það sem hann gerði í matarhléinu. Fokkit..

Hildur enskukennari tilkynnti okkur það í dag að í fréttunum í gær hefði verið talað um að versti vetur í áratugi væri að bresta á. Æjihh nei. Ég nenni ekki svona. Svo fór ég að pæla. Þegar maður var lítill þá var það geeeeeeðveikt þegar það kom ógeðslega vont veður og skaflarnir hrönnuðust upp. Sjitt hvað það var gaman. Eeen það breytti engu um afstöðu mína núna, ég vil ekki svona vondan vetur. Er að fara heim um helgina, ætli ég verði ekki bara þar fram á vor?

Annars á pabbi gamli afmæli í dag. Varla hægt að kalla hann gamlan, rétt skriðinn í 39 árin. Besti pabbi í heimi. Var að spá í að gefa honum gjafabréf upp á fimm skipti í fjós sem hann getur notað á mig hvenær sem er. Jááá er að spá í að gera það bara seinna.

Þessi skólavika er búin að vera þolanleg, nú er maður bara búinn að skila öllum verkefnum sem hlóðust á okkur og nú getur maður hugsað aðeins fram á veginn án þess að sjá verkefni og próf svoleiðis hægri vinstri. Svona fyrir utan stærðfræðiprófið á morgun, söguprófið á fimmtudaginn næsta og skil á sex bls félagsfræðiritgerð um hausaveiðar í Andesfjöllum, einnig á fimmtudaginn næsta. Jájá.

En hey, kannski ég fari bara að fylgjast með í sögu. Sé ykkur á rólinu.

Öll orka mín er búin. Loksins er ég búin með þýskuverkefnið. Æji. Loksins er ég búin með sögufyrirlesturinn og búin að flytja hann. Við skulum ekkert ræða það. Loksins er ég búin með heimildaritgerðina í íslensku. Við skulum ekkert ræða það. Ahh það er svo gott. En jájá hvernig eru svo næstu vikur? Á þriðjudaginn næsta er próf í náttúrufræði, og við skulum EKKI ræða hvernig það verður, og þá eigum við líka að flytja verkefnið okkar í þýsku, á föstudaginn er próf í stærðfræði, á fimmtudaginn í þarnæstu viku þarf ég að skila félagsfræðiritgerð, 6 bls um hausaveiðar í Andesfjöllum og svo má áfram telja. Seinnitímavandamál allt saman.

Annars er skálaferðin búin, hún var skemmtileg enda góður bekkur hér á ferð. Flöskustútur, danskennsla, vatnsslagur, sundsprettur og margt fleira skemmtilegt var brasað í ferðinni og Láki kallinn stóð sig vel sem umsjónarkennari. Hljóp litla 14 km meðan við hin sváfum á þriðjudagsmorguninn.

Danan mín er stödd á Akureyri, gellan að taka bílpróf því hún verður 17 á þriðjudaginn. Hún tók einmitt bóklega í gær og náði því með glans. Auðvitað, en ekki hvað? Hún verður hérna alveg þangað til eftir helgi, sem er goooott. Á morgun er svo slægjuball, shit það er eins gott að það verði gaman. Hvað er ég að segja, auðvitað verður gaman.

Ég heyrði í Jóhönnu í gær, eða var það í fyrradag? Shit ég man það ekki.. En það var gaman þó ég hafi ekki náð að klára samtalið. Við skulum ekkert fara að ræða það hvað ég sakna hennar mikið, þyrfti að hafa hana til að sparka aðeins í hausinn á mér stundum. Sem betur fer á ég bestu vinkonur í heimi sem sjá um það í staðinn. Eða bara vera þarna þegar maður þarf þær, eins og kom mjög nýlega í ljós. Nei ég nenni ekki einhverju svona tuði, sleppum því bara.

Ég elska bílinn minn, er alltaf að komast meira og meira að því. Kvíði óstjórnlega fyrir því að missa hann í vetur. En maður deilir víst ekki við dómarann, sem í þessu dæmi er mamma og pabbi. Pfff. Það líður semsagt ekki langur tími þangað til að Bimbóinni verði lagt..

En jæja, höfum þetta ekki lengra í bili.

Já, núna sit ég bara inní herbergi hjá Tinnu beibí. Dagný að spila radioblogclub.com, mæli með þessari síðu maður finnur flest lög þar, Tinna að klessa einhverju framan í sig og ég að borða kvöldmatinn minn. Gærkvöldið var hresst. Vinahópurinn ákvað að skella sér uppí Skeifu í fyrrverandi 1.H partý og það var stuð. Við lentum í framhalds"slag" frá því í Sjallanum um síðustu helgi, við skulum ekkert hafa fleiri orð um það. Annars var bara gaman þarna, allskonar fólk þarna sem maður þekkti og þekkti ekki. Gaman að þessu, ég er ekki frá því. Eftir það kíktum við niður í bæ og hittum líka allskonar fólk þar, böðla og sunnanmenn og svona. Planið í kvöld er svo að fara í bíó og kannski kíkja eitthvert. Þetta er samt allt óráðið ennþá, kemur í ljós.

Annars held ég að skólinn sé að fara yfirum. Við eigum að gera allt í næstu viku og síðasta vika var hræðileg. Ég hlakka svo til þegar næsta vika verður búin. Þá verður bekkurinn líka búinn að fara í skálaferð og læti. Ég er ekki frá því að ég hlakki til.

Hey, ef einhver Mývetningur les þetta sem veit hvenær slægjuballið verður þá má sá hinn sami endilega segja mér frá því.

En hey, látum þetta duga núna, sjáumst á röltinu.

Mér er svo kalt. Það er kalt úti og það var kalt í herberginu mínu í morgun. Það var kalt í sturtu og svo var líka kalt í stærðfræðiprófinu. Við ætlum líka ekkert að ræða það. Það var kalt í skólanum í löngu og líka kalt í sögu. Ég klæddi mig í peysuna mína af því það var svo kalt. Svo fór ég í mat og var kalt. Nú er ég í náttúrufræði og er held ég, svei mér þá, bara að hitna. Kannski hefur Siggi Bjarklind bara þessi áhrif. Aggý frænka á afmæli í dag, ég ætla að hringja í hana á eftir Hún er náttúrulega alltaf bara 17, eldist ekkert.

Svo er bara allt að gerast samkvæmt sögunum, lífið er eitt stórt Bold and the Beautiful. Ég er ekki frá því. Ótrúlegt hvað fólki dettur í hug.

En hey, höfum þetta ekki lengra í bili. Sé ykkur á rólinu.

...Páll Óskar er æði!

Heyrðu, ég ákvað bara að blogga. Stórmerkilegt alveg hreint. Ligg uppí rúmi hjá Hemma og Hannesi og hef það bara fínt. Hannes að reyna að tengja eitthvað í sjónvarpinu, Hemmi að skutla Böðvari eitthvert og Tinna og Dagný að segja Hannesi hvernig á að tengja eitthvað í sjónvarpinu. Gaman að þessu

Heyrðu, það gerðist eitt alveg ótrúlegt í dag. Ég kom heim úr skólanum klukkan hálfþrjú og fór að læra! Ég legg ekki meira á ykkur. Svo kláraði ég næstum að læra og lagði mig og fór úldnust í kaffi. Gaman að þessu. Í dag fórum ég og Tinna líka í Hagkaup að kíkja á krúttin okkar, þær Dagný og Eygló að vinna. Ohh þær voru svo krúttlegar í búningunum sínum Svo fórum við bara og ég kláraði íslenskuna mína hérna uppi hjá strákunum. Þeir enduðu bara á því að sofna, svo krúttlegir svona slefandi og hrjótandi Í dag á Þór líka afmæli, óskist honum til hamingju með það Strákurinn orðinn 16 og læti.

Heyrðu, í dag tengdi ég heimabíóið, með smá hjálp og leiðbeiningu á staðsetningu frá Hemma. Nú vantar mig bara sjónvarpið og þá er herbergið mitt fullkomnað. Eða svona næstum því. Og svo er Vallý bara flutt til Akureyrar. Komin með vinnu í Rúmfatalagernum og íbúð og læti. Minn maður sko

Heyrðu, nú er Chadinn bara á lausu aftur. Spurning um að endurheimta hann.

Heyrðu, nú er sjónvarpið komið í lag, Hemmi kominn heim með Böðvar og Tinna farin að læra. Er að spá í að segja þetta gott, sjáumst á rólinu.

Jamm ég er heima. Ákvað þegar ég vaknaði að mig langaði heim og fyrst veðrið var svona gott þá bara fór ég heim í sveitina. Svo er bara komið þráðlaust net hérna þannig að ég sit bara inní eldhúsi á netinu. Lúxus, ég er ekki frá því. Er aðallega að þessu bara til að reyna að koma kvefinu mínu yfir í þau Djók.. Hey bíllinn minn er kominn í lag þökk sé afa Val ahh ég er svo ánægð! Var farin að sakna hans svoooo mikið. En æji, ég ætla að fara að drekka með fjölskyldunni, gaman að þessu.

Sjáumst á töltinu.

Djöfull var þetta stutt og ómerkilegt...